ТҮМНИЙ НЭГ

Найз хүүхэн маань энэ өдөр нэг л өөр болжээ. Инээд алдаад л нэг л хөгжилтэй, цовоо, аз жаргалтай болсон юм шиг. Урьд тэр дандаа л царай алдцан нөхрийнхээ тухай ярихаараа л муулж муулж л явдаг байлаа. Заримдаа би нээх гоё романтикламаар байдаг, гэтэл бид 2 одоо тэгнэ гэж байхгүй бололтой өөр хүнтэй танилцмаар ч юм шиг санагдаад байна гэж ярьдаг байсан.

Нэг л өөрчлөлт гарч дээ гээд чи арай өөр хүнтэй болсон юм биш биз гэтэл тэр би шинээр дурласан гэв.

Хөөх за за тэр чинь тэгээд хэн гэгч нь вэ гэтэл нөхөртөө л байхгүй гэх нь тэр.

Гайхаад юу гэнээ яаж тэр вэ гэтэл аан би нэг хүнд нөхрийнхээ тухай ярьсан юм. Тэгсэн тэр хүн намайг нөхрөө өдөрт дор хаяж 5 удаа магтаж бай, бас яриаг нь нухацтай сонсож биенд нь хүрч бай гэж зөвлөсөн юм. Тэгээд би хэлсний дагуу магтаад л.

Чамд тэгээд тэнэг санагдахгүй байна уу нөхөр чинь гайхахгүй байна уу гэтэл анхандаа надад тэнэг санагдсан зориг гаргаад хэлээд үзэхээр үнэхээр өөр юм байлээ шүү чамд л гэж хэлэхэд гэв.

Сүүлд нь би ч ер нь тэгээд үзэх үү гэж бодогдоод. Бодоод байсан чинь би нөхрөө магтахаасаа илүү муулахдаа сайн ч юм шиг. Түүний хийсэн сайн үйл бүрийг ийм байх ёстой гээд чимээгүй өнгөрдөг мөртлөө муу юм болвол л хамгийн түрүүнд хэлж ярьдаг юм байна. Чи надтай анх танилцаж байснаасаа өөр болчиж нэг л хөндий хүйтэн болчиж, би чамайг ийм хүн гэж анх ердөө бодоогүй гэх мэт үгс бол байнгых болсон байлаа.

Ингээд нөхрийнхээ сайн талуудыг юу байдаг билээ гээл автобусанд хүртэл бодоод явлаа. Тэгсэн их олон юм гарч ирж байнаа. Зөвхөн эерэг зүйлүүдийг нь бодоод хэлээд явсан чинь дүрдээ итгэсэн үү яасан тэр надад эргээд таалагдаж эхэллээ.

Нэг орой түүнийг буйдан дээр суугаад сэтгүүл эргүүлж байхад нь очоод гарыг нь зөөлөн илээд би чамд хайртай гэж хэлээд нүүр лүү хараад дотроо одоо намайг шоолох бол уу, галзуураагүй биз гэх бол уу гэж бодсон чинь тэр сэтгүүлээ тавиад 2 гараараа хацрыг минь илээд удаан гэгч нь өөдөөс харлаа. Яг л намайг анх олж харж байгаа юм шиг л.

Энэ өдрөөс эхлээд хайр маань эргээд цэцэглэж эхэллээ.

Эмээ маань ээжид ингэж хэлдэг байсан санаанд оров. Эр хүнд өөрийг нь энэ гэрт хамгийн том нь гэж мэдрүүлж хүндэлж бай тэгвэл чи түүнээс хүссэнээ авах болно гэж.

Эрчүүд ер нь эмэгтэй хүний анхаарлыг татахын тулд бүх аргаа хэрэглэдэг. Тэдэнд зүгээр л анхаарал хэрэгтэй.

Гэхдээ орчин цаг бол эмээгийн үе биш, би сонголт хийе гэвэл хэнээс айхгүй, ичих хэрэггүй. Гэсэн ч би нөхөртэйгээ л хамт амьдармаар байна, би түүнтэйгээ үргэлж дурлалт хосууд шиг л баймаар байна.