ТҮМНИЙ НЭГ

Америкийн нэгдсэн улсын Кансас хотод нэгэн эмэгтэй найз залуугийнхаа гэрийн жорлон дээр 2 жил суун унтаж идэж амьдарчээ. Сүүлдээ тэр хөлөө мэдрэхээ байсан бөгөөд түүний өгзөгний арьс нь жорлонгийн суудалтай наалдан ургасан болохыг түүний найз залуу Кори цагдаад мэдэгджээ. Гэвч Кори түүнийг одоо болтол хаяагүй гэнэ.

Анхандаа тэр хэзээ босох юм бэ гэж асуудаг байж, найз бүсгүй нь маргааш гэдэг байв. Маргааш маргааш гэсээр олон маргааш өнгөрч, залуу сүүлдээ залхаж өөртөө тусгай жорлон банны өрөө бариулж авсан бөгөөд найз бүсгүйгээ жорлон дээр нь хоол ундаар халамжилж хэсэг хугацааны дараа энэ байдалд дасчээ. Энэ тухай тэр эртхэн цагдаад мэдэгдсэн бол дээр байж гэж халаглаж байна. Энэ оны 2 сарын сүүлчээр найз бүсгүй нь гэнэт сонин ууртай болж надад тусламж хэрэггүй гэж түүнийг хөөх болсноос цагдаад мэдэгдэхээр шийджээ.

Цагдаа нар гэрт нь очвол үнэхээр тэр эмэгтэй урдаа шавталсан өмдтэй жорлон дээр суугаад надад тусламж хэрэггүй би эндээс явахгүй гэж байна гэнэ.

Түүний хөлний булчингууд нь мэдээгүй болж ажиллахаа байсан бөгөөд өгзөгний өөхөн давхарга нь жорлонтой барицалдан ургасан байсан гэнэ.

Үнэхээр итгэхийн аргагүй гэж түүнийг харсан цагдаа болон эмч нар шагширан гайхаж байгаа ажээ.

Иймэрхүү үзэгдэл амьтадыг бөөнөөр нь хорих үед илэрдэг гэнэ. Жишээ нь үхэрийг хүзүүнээс нь гинжлээд зогсоохоор удаан хугацааны явцад гинж нь зулгаагдсаар арьс нь шархалдаг ба аажимдаа шархалсан хэсгийн өөх болон арьс гинжин дээгүүр ургадаг гэж мэс заслын эмч К. Буш тайлбарлажээ.

Найз залуу Кори өгүүлэхдээ түүний найз бүсгүй урьд жорлонгийн өрөөнд удаан байх дуртай байсан ба түүний хувьд энэ нь ямар нэг зүйлээс нуугдаж болох найдвартай газар мэт сэтгэгдэл төрүүлдэг байжээ. Тэр хүүхэд байхдаа их айснаас болж Фоби гэгч айдсын сэтгэл мэдрэлийн өвчтэй болсон байх гэж таамаглажээ.

Бүсгүйн хуучны хөрш түүний хүүхэд нас нь хэцүү байсан тухай баталсан гэнэ. Ээж нь бага байхад нь нас барж эцэг нь түүнийг гэрээс гаргахгүй хорьдог байсан гэж ярьжээ.