ТҮМНИЙ НЭГ

 Германы хамгийн баян эмэгтэй тэрбумтан Зузана Клаттен бол Куандт династийн өв залгамжлагч, БМВ машины үйлдвэр болон Алтана хэмээх химийн том концерний хамтран эзэмшигч бөгөөд ойролцоогоор 8-10 тэрбум еврогоор германы хамгийн баян эмэгтэйд тооцогддог билээ.. Зузана Клаттен маш даруухан, аймхай ичимхий хүн учраас өөрийн нэрийг мэдээллийн хэрэгслээр харах уг нь тун дургүй. Гэвч энэ удаад түүний нууцын нууц болох нэгэн зүйл олонд яригдахаас аргагүй болжээ. Учир нь 2007 онд түүний нууц амраг Щвецарийн иргэн эрэгтэй түүнээс эхлээд 7 сая евро өгөхийг албадан шаардаж , дараа нь бүр 40 сая евро нэхжээ.

Нууц амраг С нь 41-43 настай зурган дээрээс нь ажиглаваас Щвецарийн банкны ажилтан гэмээр цагаан цэнхэр цамц өмссөн хүн ажээ. Зузана түүнтэй 2007 оны зун зочин буудлын бааранд танилцаж түүнээс хойш байнга уулздаг болжээ.

Нууц амраг С нь 8 хэлээр ярьдаг гэж түүнд хэлсэн бөгөөд танилцах үедээ маш гунигтай байсан нь баян эмэгтэйг өрөвдүүлэхэд хүргэжээ. Тэд дэлхий дахины Люкс зочид буудлуудад уулздаг байсан гэнэ. Зузана Клаттен харамсалтай нь ганцхан зүйлийг мэдээгүй нь тэр 2 хоёулхнаа биш байсан бөгөөд тэдний орондоо байгаа зураг болон Видеог нь хамсаатнууд нь хулгайгаар авсан байна.

С түүнд тэр Италь-Америкийн нэгэн мафийн толгойлогчийн хүүхдийг санамсаргүй машинаар дайрсан бөгөөд мафийнхан түүнийг нэг бол мөнгө өг үгүй бол ална гэж заналхийлж, мөрдөж мөшгиж байгаа гэж ярьжээ.

2007 оны 9 сарын 11-нд олон удаа шаардсаны дараа Зузана түүнд 7 сая евро аваачиж өгчээ. Гэвч С ба түүний хамсаатнууд сэтгэл ханасангүй түүнээс ахиж 40 сая евро нэхжээ. Тэд түүн рүү 2 зураг явуулж үүнээс гадна видео бас бий, хэрэв шаардсан мөнгийг өгөхгүй бол олон нийтэд тараана гэж дарамталжээ. Иинхүү Зузана арга буюу цагдаад мэдэгдэхээс аргагүй болжээ.

Тийм дээгүүр хүрээний төлөв түвшин хүн яагаад гэнэт ийм маягаар луйварчинд мэхлүүлэх болов хэмээн хүмүүс гайхаж байгаад зарим сэтгэл зүйч нар, Зузана Клаттены гэр бүлийн харьцаа тийм ч сайн биш байгаа бөгөөд тэрээр дотроо ихэд сэтгэлийн шаналгаатай явдаг ажээ. Харин түүнийг мэхэлсэн луйварчид энэ байдлыг нь урьдаас судалж мэдээд түүний эмзэг сэдвий нь олж судсы нь барьсан бололтой. Гайхах юу байх вэ хүн бүр л хайрлуулахыг хүсдэг шүү дээ.