ТҮМНИЙ НЭГ

 Резин бол эрэгтэй хүний зан байдлыг илэрхийлэх хамгийн сонгодог жишээ юм. Эрчүүд нэг бүсгүйтэй дотносохоороо анхандаа наалдаж байгаад гэнэт зайгаа бариад тэгснээ эргээд наалдаад ирнэ, ахиад зайгаа барина.... Ихэнх бүсгүйчүүд энийг нь ойлгохгүй бүүр гайхширч орхино. Эрчүүд болохоор байгалиас заяасан ийм эрмэлзэлтэй хүмүүс. Тэдэнд буруу байхгүй, тэд энэ байдлаа өөрсдөө хянаж чададгүй.

Хүүхнүүд үүнийг нь ихэнхдээ буруугаар ойлгодог, учир нь тэд эрчүүдээс өөр шалтгаанаар жишээ нь гомдох, туних, сэтгэл дундуур байх зэрэг зүйлээс зайгаа барьдаг учраас өөрсдийнхөөрөө ойлгоно. Мэдээж эрхтэй хүн ч гэсэн ийм шалтгаар зайгаа барьж болно, гэхдээ тэд ямар ч шалтгаангүйгээр ч бас холдоно. Яг л резинийг сунгаж сунгаж байгаад тавихаар буцаад харваад эрчтэй гэгч нь хүрээд ирдэг шиг эрчүүд бас зайгаа авч байгаа л эргээд ирдэг. Хэр хол зайгаа барих тусам төдий эрчтэй харваж ирнэ.

Эрчүүд яагаад хайртай хүнээсээ зайгаа барьдаг вэ гэхээр тэд тусгаар тогтнол, автоном байх хүслээ хангахын тулд ингэдэг.. Тэгээд хэсэг хугацааны дараа энэ хүсэл нь биелээд ханаад ирэхээр эргээд эмэгтэй таны хайр энхрийллийг хүсээд ойртоод ирнэ. Тэгээд удахгүй уйдаад ахиад холддог.

Хэрэв эмэгтэй та энийг ойлгохгүй би юу буруу хийчив, яагаад надаас зугтаад байна, яг л ингэснээс л болоод уурлачих шиг боллоо гээд аргадаад араас нь гүйгээд байвал тэр таниас улам холдох болно. Түүнд холдох завшаан өгөхгүй үргэлж наалдаад байвал магадгүй тэр таны амьдралаас бүрмөсөн яваад өгч ч болох юм.

Учир нь эрэгтэй хүнд холдох боломж өгөхгүй бол эргээд ойр дотно байхыг бас хүсэхээ байдаг. Эмэгтэй хүн үүнийг ойлгосон байхад илүүдэхгүй.

Эрэгтэй хүн зайгаа барихаар хайртай бүсгүй нь түүний хайранд эргэлзэж эхэлдэг. Хэрэв эрэгтэй нь зайгаа авч чадахгүй бол тэр өөрийнхөө хайранд эргэлзэж эхэлдэг.

Ингэхээр байна ш дээ хүүхнүүдээ эрчүүд түр зайгаа авбал зүгээр л зөнд нь тайван орхичиж байвал зүгээр юм шиг байгаан. Аяндаа өөрсдөө гүйгээд хүрээд ирнэ биз тиймээ.

John Gray-ийн номноос бичив.